Waarom ‘n Donasie?

‘n Vrye Afrikaanse Hoër Onderwysinstelling

Lees meer oor die publieke verklaring deur Prof. I.A. Brink “Geweld by universiteite”

Die besluite van die Universiteite van Pretoria en Stellenbosch oor die verandering in hulle taalbeleid het groot emosionele reaksie by Afrikaanssprekendes ontlok – en tereg ook. Om in jou moedertaal onderrig te word tot op hoogste akademiese vlak is immers ’n reg wat selfs deur ’n internasionale instansie soos UNESCO onderskryf word.

Die AP Akademie in Pretoria is een so ’n instelling wat ‘n intellektuele tuiste vir Afrikaanse studente wil wees. Die AP Akademie wil egter nie net sy onderrig in Afrikaans as moedertaal aanbied nie, maar dit ook onbeskaamd op ‘n Christelike basis vestig.

Die AP Akademie kom al ’n lang pad. Dit is in 1999 by die Departement van Onderwys as ’n privaat tersiêre inrigting geregistreer met registrasienommer 1999/HE08/001. Die AP Akademie het die bevoegdheid om die grade B.A. (in Lettere en Wysbegeerte) en B.Th. (in Teologie) toe te ken.

Die AP Akademie het ’n aansoek vir die toekenning van die Nagraadse Gevorderde Onderwys Sertifikaat (NGOS) by die onderwysowerhede ingedien en wag tans die uitslag af.

Ons het dus ’n antwoord op die huidige krisis in die universiteitswese. Trouens, die situasie is lank reeds voorsien en die grondslag gelê vir ’n vrye en innoverende Afrikaanse en veral Christelike universiteit. Ons nooi almal vir wie Afrikaans as universiteitstaal ononderhandelbaar is uit om hulle gewig by die AP Akademie in te gooi.

U kan ons gerus skakel vir meer besonderhede of ons selfs kom besoek en gesels. Ons is te Farendenstraat 430, Sunnyside, Pretoria geleë. Die telefoonnommer is 012 344 3960. Besoek gerus ook ons webwerf by www.apa.ac.za. Kontak gerus die APA bemarkingpersoon, Annami Bruwer, epos: bemarking@apa.ac.za, tel: +27 82 577 7928.

U is ook welkom om ‘n finansiële bydrae te maak. Trouens, u betrokkenheid is onontbeerlik in die bereiking van ons ideaal. Ons rekeningbesonderhede is:
Bank: ABSA
Rekeningnaam: AP Akademie
Rekeningnommer: 4085895656
Tipe rekening: Tjek

U kan ook ‘n debietorder vir ‘n maandelikse bydrae teken. Indien u ons skakel, stuur ons vir u ‘n debietordervorm. Alle bydraes aan die AP Akademie is belastingaftrekbaar. Ons rekenmeester sal vir u ’n belastingvorm op versoek uitreik.

Kom belê in die toekoms van Afrikaanse, klassiek-Christelike hoër onderwys!

Waarom ‘n donasie?

As ‘Non Profit Company” NPC, is die APA nie winsgedrewe nie en is ook geregistreer as ‘n “Public Benefit Organisation” (PBO), wat ‘n 18A- inkomstebelastingsertifikaat kan uitreik om ‘n donasie belasting-aftrekbaar te maak.

Luister na die Klankjoernaal